Tíðindi

Í januar kemur Kaj Klein á eina lítla konsertferð í Føroyum, saman við bólkinum The Force Majeures. Hetta verður ein ferð gjøgnum tónleikin hjá Kaj og beiggja hansara Karl Anton Klein, sála.

Teir vitja Maggies í Nólsoy 13. januar.

Kaj Klein sleit sínar tónlistarligu barnaskógvar í bólkinum Plastnoist, ið hann stovnaði saman við Karl Anton. Ein annar limur í Plastnoist var Palle Hjort, ið seinni er kendur sum avloysari fyri Thomas Koppel á hammond orglinum í Savage Rose. Men sum eisini hevur samstarva við nógv onnur tónleikanøvn, so sum Povl Dissing, Peter Sommer, På Slaget 12, Danser med Drenge, Poul Krebs, The Sandmen, Big Fat Snake og føroysku Tórodd Poulsen og Sirm.

Palle Hjorth verður eisini partur av bólkinum, nú Kaj Klein fer at spæla the best of Plastnoist og Kaj Klein. Tí Palle hevur verið fastur fúsur á útgávunum hjá Kaj, síðan hann, sum ein grønur tannáringur møtti brøðrunum úr Vestmanna.

Umframt Palla eru The Force Majeures: Janus Kampmann á gittari, Per Ingvaldur Højgaard Petersená trummum og Karl Andrias Stórá á bassi.

Ætlanin erat spæla løg frá (næstan) øllum útgávunum.

Útgávur:
Kaj Klein Skot (Kasettuband frá uml. ´86)
Plastnoist (Kasettuband frá uml.89).
Plastnoist Millum Nagla, (Kasettuband frá uml.´91).
Plastnoist Yppbaraøxl (Fløga uml. 92)
Plastnoist 21 (Fløga uml. 96)
Kaj Klein Hálvt frá Hálsi (Fløga uml.2004)
Kaj Klein Úr Maskinrúminum (3fløga 2009)
Kaj Klein Í Andglettinum (Fløga 2012)

Leygardagin 16 februar kl. 15.00 skipa vit í Maggies fyri Backgammon kapping við max 32 luttakarum.

Luttakara gjaldið er kr.100,-

1 premia er kr. 3000,-, 2 premia gávukort frá Maggies áljóðandi kr. 500,- og 3 premia gávukort frá Maggies á kr. 200,-

Kappingin er skipa í Cup system soleiðis at fyrst spæla 16 í móti 16 uppí 11 stig.
Síðan 8 móti 8 osfr. Hvør møtir hvørjum, verður avgjørt við lutakasti.

Satsterningurin verur brúktur og einki mark er fyri hvussu nógvir prikkar kunnu vera á hvørjari linju.

Ternan fer úr Havn kl. 12.30 og tilber at far úr aftur Nólsoy kl. 16.50, 19.25 og 22.20.
Barrin er opin allan dagin eins og tað eisni ber til at keypa mat til kl. 20.00.

Fyri at vera við skal man rinda kr. 100,-  her á síðuni undir tiltøk Backgammon 16 februar ella í Maggies.

Vónandi taka fólk væl í móti hesum tiltaki, sum vónandi verður efturvendandi hvørt ár.

Vit gleða okkum at síggja tykkum 🙂

Maggies bjóðar tónleikarum til jólaborðhald 4 januar, sum helst er tað vikuskifti í árinum har allir tónleikarar hava minst at gera.

Tað eru einans pláss fyri 32 fólkum, so tað ræður um at skunda sær at melda til.

Eftir vælkomstsnapsin fara vit til borðs har borðreitt verður við piparbúffi við chips, sós, salat og einum glasið av víni afturvið.
Omaná fáa vit heimagjørdan ís við kaffi og Cognac/Baileys.

Alt hetta kostar kr. 350,- pr. kuvert, sum verður goldið við dyrnar tá man kemur. Vit taka sjálvandi eisini øll kort 🙂
Drekkivørur út yvir tað sum er nevnt, kunnu keypast í barrini. Pilsnar kr. 30,- og gull 35,-.

Man skal bara melda seg til á maggies@maggies.fo

Á pallinum stendur trummusett, bass amp, 1 gtr amp, auk. piano og 4 mics., sum øll eru hjartaliga vælkomin at brúka 🙂
Man er sjálvandi vælkomin at taka egin instrumentir við eisini.

Kvøldið byrjar kl. 17.00 og Ternan fer úr Havn kl. 16.20.
Officielt er borðhaldið liðugt kl. 22.00 men um fólk vilja verða verandi er man sjálvandi vælkomin til tess. Tað ber eisini til at ringja til Johonnu á Kaffistovuni um yvirnátting. Hon hevur atgongd til øll tóm hús sum verða leiga út í Nólsoy. Tlf. 279795

Vit gleða okkum at síggja tykkum.

Vinaliga
Margreth og Terji

Nú verður Signar aftur at hoyra í Maggies í mai.

Signar hevur í nógv ár undirhildi føroyingum víða hvar í ymsum samanhangum men legði landið fyri sínar føtur við sanginum “Tað er gott at elska” hjá Bubbi Mortens.
Hevur fingið góð skoðsmál fyri sína versión av sanginum frá komponistinum sjálvum.

Síðan hevur hann levera hit eftir hit.

Vit kenna hann annars frá Kjølum og ROX. Signar gjørdi eisini nakrar sangir hjá vælumtókta bólkinum All that Rain.
Vit gleða okkum.

Seinast hann var í Maggies 🙂

Silvurdrongur og Elvito í Maggie’s.

Silvurdrongur hevur gjørt um seg sum svartideyði og hagasóljur í Føroyum hetta seinasta árið við minnisverdum konsertum og margfeldu útgávuni Silvurbók, sum fevnir um tónleik, film og bókmentir. Silvurpláta eitur tónleikaútgávan, sum Per I. Højgaard Petersen hevur framleitt og komponerað saman við Karl Andriasi Stórá.

Nú fara silvurdreingirnir á konsertferð kring landið at vitja øll tey spælistøðini, har teir ikki fyrr hava spælt.

Við sær hava teir føroyska-danska bólkin Elvito.
Lagið hjá teimum “Get It On” hevur verið at hoyrt í Kringvarpinum hetta seinasta árið. Tónleikurin er ein blanding millum elektroniskt og surf, og ljóðmyndin varðveitir eitt egið huglag, sum er áhugavert og eitt sindur gandakent. Limirnir í Elvito eru Bastian Lahn Petersen og Rasmus á Fríðriksmørk Borðoy, og við sær hava teir trummusláara.

Konsertin í Maggies verður hóskvøldið kl. 20.00
Atgongumerki á kr. 212,- fáast her á síðuni.

Frá og við sunnukvøldinum 30 september, verður Alice Simonsen vertur fyri Pub Quiz í Maggies fjórða hvørt sunnukvøld kl. 19.30.

Umframt tær vanligu tríggju rundurnar, er eisini ein einkult runda, har møguleiki er at vinna gávukort frá Maggies 🙂

So Nólsoyingar,… og onnur, møti fjølment og deil tykkara vitan og vísdom við okkum óvitandi.

Nú dagarnir styttast og myrkri sígur yvir tekjur og fjøll, hava vit opið soleiðis:

Mánadag til hósdag er stongt.
Fríggja- leygar- og sunnudag lata vit upp kl. 17.00 og hava opið so leingi fólk eru til staðar, tó í seinasta lag til kl. 03.45.
Køkurin er opin til kl. 20.00. Hygg undir menu.

Einki er tó so fastlagt, at tað ikki ber til at broyta. Um fólk hava hug at koma á dyr teir dagar stongt er, ber til at bíleggja pláss áðrenn. Tó minimum 5 fólk. So taka vit ímóti tykkum við opnum ørmum 🙂

Um onkur hevur hug at hava skeiðvirksemi o.a., eru eisini góðir møguleikar til tess. Hetta letur seg gera mána- til og við hósdagar í allan vetur.
Í tí sambandi kunnu vit eisini bjóða okkurt til matnað 🙂

Hóast kvøldini gerast myrk og long, er ikki ætlanin at fara heilt í dvala.
Í november er ætlanin at fara undir Biograf virksemi. Helst verður filmur vístur hvørt mánakvøld. Fólk eru vælkomin at skriva til maggies@maggies.fo og ynskja filmar. Nærri verður lýst við hesum seinni.

Jólaborðhaldini verða eisini sum vanligt. Hygg undir tiltøk fyri at síggja hvussu nógv pláss eru eftir til ymsu kvøldini.

Eitt sunnukvøld um mánaðin er eisini Pub Quiz við Alice Simonsen. Hygg undir tiltøk, nær tað er.

Við ynski um ein góðan vetur 🙂

Margreth og Terji

Síggjast og hoyrast í Maggies

Av tí at Maggies er stongt frá manadegi til hósdag í vetur, er góðu møguleiki fyri skeiðvirksemi í Maggies.

Vit kunnu bjóða tykkum hugnalig hølið við stórskíggja, mat og drekka eftir egnum ynski og yvirnátting til 8 fólk við morgunmati.
Yvirnátting og morgunmatur verður gjørt í samarbeiði við Kaffistovuna.

Møguleiki er eisini at upptakað framløgurnar við bæði ljóði og video.

Sendi ein mail til okkara um júst tykkara tørv á maggies@maggies.fo, so senda vit tykkum eitt tilboð 🙂

Gleð ein vin við gávukorti frá Maggies, forma sum ein eskja við ókeypis gávulutum í.

Gávukortini kunnu keypast fyri kr. 100,- og upp eftir.

Tey kunnu keypast í Maggies ella bíleggjast við telduposti á maggies@maggies.fo

Um tú velur at bíleggja yvir netið, noyðist tú tó sjálvur at byggja eskjuna tú fær sendandi 🙂

Gleð ein vin við gávukorti frá Maggies, forma sum ein eskja við ókeypis gávulutum í.

Gávukortini kunnu keypast fyri kr. 100,- og upp eftir.

Tey kunnu keypast í Maggies ella bíleggjast við telduposti á maggies@maggies.fo

Um tú velur at bíleggja yvir netið, noyðist tú tó sjálvur at byggja eskjuna tú fær sendandi 🙂