Dania O. Tausen

Dania O. Tausen er ung fjøllistakvinna á føroyska tónleika- og yrkjarapallinum uppvaksin á Toftum. Ein sangarinna, sangskrivari og yrkjari sum úttrykkir seg á egnan hátt við føroyska málinum. Í tónleikinum, sum Dania síðani hevur útgivið, “gonguteigatúnatos” (2021) og “ja, nei – og restin av vikuni” (2023), hevur hon fokus á menniskjanum – ofta føroyinginum – og nógvum av okkara simplu, men eisini meira kompleksu kenslum. Hon dugir at síggja tað stuttliga í tí dagliga og orða tey dagligu viðurskiftini soleiðis, at tú sært annarleiðis uppá tey aftaná. Sum G! Festivalurin segði, har Dania hevur spælt tvey tey seinastu árini: “Hevur tú ikki hoyrt um Daniu O. Tausen hetta seinasta árið, so hevur tú búð undir einum steini. Eingin mann hava spílað seg meira út í tíðarskeiðnum enn hettar arbeiðssama fjöllistafólki av Toftum.” Dania vann eisini eina FMA fyri ársins útgávu 2023. Dania vísir í allari síni list ein serligan tokka til föroyska málið. Á ein snildisligan og háfloygdan hátt brúkar hon eitt gerandismál, sum øll kunnu kenna seg aftur í.

Dania O. Tausen, sang, kassagittar
Ragnar Finsson, sang, elgittar