Tað er ikki á hvørjum degi at Hjarnar trína á pallin. Og so yvirhøvur ikki á so lítlan pall sum Maggies.
Tí er hetta eitt serstakt høvi at koma tætt uppá legendurnar 🙂
Í nærum tvey ára tíggju var Hjarnar bólkurin yvir øllum bólkum. Við tí karesmatiska frontmanninum Karl Martin Samuelsen, løgdu teir landið fyri sínar føtur. Einstakar uttanlands ferðir vóru eisini á skránni. Teir fingu annað pláss í kapping á Radio Luxemburg við sanginum Breaking my heart, sum saman við Ljóðmynd við Terja & Føstufressum, var kosin aldarinnar sangur.
Vit gleða okkum at ferðast afur í tíðina saman við Hans, Eyðun, Jógvan og Karl Martin og hoyra allar klassikararnar, meðan vit droyma okkum aftur á tíðina tá man ferðast langt fyri at hoyra Hjarnar.
Atgongumerki kunnu keypast her á síðuni ella í Maggies.
Um áhugi er fyri at yvirnátta við góðum morgunmati, skal man bara ringja +298 279795 🙂
