was successfully added to your cart.
Uncategorized

Høgni Lisberg 25 januar

By 04/01/2019 No Comments

Nakað langt hevur verið ímillum konsertirnar við Høgna seinastu árini. Men í farna ári hava nakrar konsertir verið á skránni, m.a á G! Festivalunum, og nú gongur leiðin til Maggies í Nólsoy.

Við sær á pall hevur hann tónleikaligu kammerátarnar Jan Rúna Poulsen (trummur) og Knút Háberg Eysturstein (keys).

Trioin fer at framføra eina konsert á tremur við eyðkendum Høgnaløgum um kollvelting, órætt, myrkur og – viktigast av øllum – kærleika!

Høgni hevur givið seks solo plátur út frá 2003 til 2014 og hann er virkin í fleiri ymsum samanhangum á føroyska tónleikapallinum. Sangir hansara hava milliónir av spælingum á netinum, og hava verið nýttir í sjónvarpsrøðum og lýsingum kring heimin, líka frá USA til Avstralia.

Høgni hevur áður túrað í Evropa og framført á Roskilde Festival, Spot Festival, Iceland Airwaves, SXSW, Midem, Italia Wave Love o.a.

Mynd: Sigga Ella

X
X