Leingi er tað, ið væl skal vera…sigst
Ólavur á Váli Olsen hevur spælt á næstan øllum spælistøðum í Føroyum. Tó hevur hann ikki verið á palli í Maggies í Nólsoy enn… Men nú verður tað!!!
21 apríl kemur Country-prinsurin við bólki til Nólsoyar at spæla í legendarisku lítlu live-perluni Maggies.
Hetta er eitt stað sum eg leingi havi ynskt mær at spælt í, og tí eri sera takksamur fyri at hetta gerst veruleiki.
Eg gleði meg tí sera nógv at spæla í Maggies, og vóni at síggja nógv fólk, sigur Ólavur.
Lagt verður upp til eitt brak av einum country-kvøldi, har Ólavur syngur øll síni kendu løg.
Manningin er:
Ólav á Váli Olsen – Sang og gittar
Jóhan Ziskason – Gittar
Magni Husgaard – Tangentar
John Johansen – Bass
Henning Hjalt Nicodemussen – Trummur
