Skip to main content
0
All Posts By

Terji

Signar í Homrum í Maggies 21 mai

By Uncategorized

Nú verður Signar aftur at hoyra í Maggies í mai.

Signar hevur í nógv ár undirhildi føroyingum víða hvar í ymsum samanhangum men legði landið fyri sínar føtur við sanginum “Tað er gott at elska” hjá Bubbi Mortens.
Hevur fingið góð skoðsmál fyri sína versión av sanginum frá komponistinum sjálvum.

Síðan hevur hann levera hit eftir hit.

Hann kemur í Maggies við fullum orkestrið.

Vit kenna hann annars frá Kjølum og ROX. Signar gjørdi eisini nakrar sangir hjá vælumtókta bólkinum All that Rain.
Vit gleða okkum.

Marianna Winter í Maggies 20 mai

By Uncategorized

Føroysk – Amerikanska soul/R&B songkvinnan og sangskrivarinnan, Marianna Winter, hevur gjørt samansetingina av kalda, nordiska ljóðheiminum og heita Los Angeles, til sítt heilt egna sermerkið.
Hon hevur júst útgivið fyrstu EP sína, Sorry, I’m a Libra, ein samling av fýra persónligum og nærmast rúnabindandi løgum.

Bands of Tomorrow, eitt talgilt danskt tónleikablað, hevur millum annað skrivað um Winter til ymisk høvið.
Fyrstuferð var, tá Marianna útgav sítt fyrsta staklag “Over You” og tá var skrivað: “Hvis man søger efter ambitiøse R&B-sangerinder i vækstlaget lige nu, behøver man heldigvis ikke at se alt for langt omkring sig. Derfor er det altid en fryd, når en som Marianna Winter melder sig på banen. Med sin helt egen gren af moderne R&B har Winter udhugget et stykke af markedet og gjort sig selv til hersker. Musikken er spækket med følelse og nærhed, men er samtidig smooth og behagelig, så man kan sætte sig ned og virkelig føle den historie, der bliver fortalt. For dem af os, der har savnet den traditionsbevidste, men samtidig fremadskuende soulede R&B, er den unge sanger og sangskriver en perle, som er en skam at gå glip af.”

Eftir at hava verið í Stockholm og smíðað fleiri nýggj løg við ymsum øðrum svenskum full-time sangksrivarum og framleiðarum, er Marianna klár at framføra sína nýføddu EP og spildunýggju løg, fyri føroyingum í Maggies.

Guðrið Hansdóttir í Maggies 18 juni

By Uncategorized

Tað eru fleiri ár síðani, at Guðrið Hansdóttir spældi á Maggies, men nú er hon endiliga aftur og hesa ferð við bólki.

Guðrið letur sína 6.studioútgávunu úr hondum tann 22. apríl.
Nýggja útgávan er á føroyskum og longu nú eru stakløgini “Blátt myrkur”, “Træ” og “Hús” komin út og tey hava øll verið sera væl móttikin.

Guðrið fer at spæla nýggju løgini av útgávuni “Gult myrkur”, umframt at hon fer at spæla tey góðu, gomlu løgini m.a “Pegasus”, “Morgun í mars” ,”Stjørnur” og fleiri.

Tey sum spæla við Guðrið eru Ari Johannesen, Katrina Olsen, Hjørtur Háberg og Karl Andrias Stórá .

Terji Rasmussen Band í Maggies 19 mars

By Uncategorized

Tað er langt í millum, at man hoyrir Terja við fullum orkestrið. Men nú fer sjálvur verturin í Maggies á pall við serdeilis kompitentum tónleikarum. Tað ger hann leygardagin 19 mars.
Vit kunnu vænta okkum tað besta av Moirae og Føstufressa tilfarinum og okkurt nýtt eisini.
Atgongumerki fáast her á síðuni.

Jósva Debes, Trummur
Johannus á Rógvu Joensen, Bass
Leivur Thomsen, Guitar
Kim Hansen, Keyboard og kór
Terji Rasmusssen, Sang og akk Guitar

Maggies Café

Soleiðis er opið í Maggies

By Uncategorized

Soleiðis er opið frá 1 mai til 31 oktober:
Mánadag, týsdag, mikudag frá kl. 13.00 til 19.00.
Hósdag frá kl. 13.00 til 23.00. Køkurin er opin til kl. 19.00
Fríggjadag og leygardag frá 13.00 til 23.00. Køkurin er opin til kl. 20.00
Sunnudag frá 14.00 til 20.00 og køkurin opin til kl. 20.00

Í vetrarhálvuni frá 1 september til 30 apríl er opið hósdag, fríggjadag og leygardag frá kl. 13.00.
Sunnudag frá kl. 14.00.
Køkurin er opin hósdag og fríggjadag til kl. 19.00. Leygardag og sunnudag til kl. 20.00

Høgni Lisberg í Maggies 26 mars

By Uncategorized

Høgni Lisberg í Maggies 26. mars 2022

Høgni skrivar sangir um uppreistur, kærleika, órættvísi og myrkur. Tónlistarliga útferðin fer áhaldandi longri og djúpri við árunum sum ganga, og hettar merkist aftur í tekstum og tónleikaligu framgongdini.

Høgni vann ein FMA sum ársins framleiðari, í felag við James Thomas, fyri útgávuna Within a Man, sum kom út í 2020. Av hesi útgávuni hava serliga løgini Simple Man, On Your Side og Waiting for You verið at hoyrt í útvarpinum.

Høgni hevur nógvar túsund lurtarar um allan heim á Spotify, og útgivni tónleikurin hevur verið brúktur í øllum hugsandi høpum, frá NBA telduspølum og Netflix sjónvarpsrøðum, til lýsingar fyri Carhartt klæðir og Subaru bilar.

Vit kunnu gleða okkum til eina intima tónleikauppliving í Maggies, saman við Høgna Lisberg 26. mars

Anker Eli við Terja, Eyðuni og Kim 3 juni

By Uncategorized

Onkuntíð verður man spurdur: “Hvør er hasin Anker Eli sum skrivar hasu fantastisku tekstirnar, hvussu sær hann út?”
Nú er møguleiki bæði at síggja og hoyra hann siga frá sínum tekst og myndauniversið saman við tónum frá Eyðuni, Terja og Kim.

Anker Eli er føddur 7 juni 1959 og sær seg sum Havnamann við stórum H hóast føddur á Tvøroyri.
Sum poetur er hann helst best kendur sum maðurin handan flestu sangirnar hjá Terja & Føstufressum, Moirae og øðrum.
Av hansara mongu tekstum kunnu t.d. nevnast Handan Mjørkan, Ljóðmynd, Morgunflog, Hvussu kann eg vita, Á ferð til dreymaland o.s.fr. o.sfr.

Annars eru myndirnar hjá honum eyðkendar og hava prýtt ein rúgvu av bókum og plátuumsløgum. Sum fastur grafikari fyri Postverk Føroya, hevur Anker Eli eisini gjørt hópin av frímerkjum.

Á hesari storytelling konsertini, eru tað serliga tekstirnir hann fer at tosa um. Anker Eli er dugnaligur frásøgurmaður við stórum humoristiskum innlivingum. So har verður ivaleyst okkurt priki til teir tríggjar sum sita saman við honum.

Atgongumerki á kr. 260,- kunnu keypast her.

Sharon´s men í Maggies 4 mars

By Uncategorized

Ein nýggj byrjan í Maggies.

Vit byrja fyrsta fríggjakvøldi við einum brakið.
Janus á Húsagarði og allir hinir menninir hjá Sharon, leggja lunnar undir stemningin fyri kvøldið.
Vit gleða okkum at síggja tykkum aftur.

Atgongumerki kunnu keypast her á síðuni.

Hallur Joensen í Maggies 6 mai

By Uncategorized

Hallur hevði eina av fyrstu konsertunum sum vóru í Maggies. Men hevur ikki verið í Maggies síðan 2017.
Hallur er ivaleyst okkara populerasti country sangari og er tað tí ein sjálvfylgja at hann ber heiti “Country kongurin”.

Hallur hevur roynt mangt og hvat á sínari tónleikaligu lívsleið. Hann hevur millum annað sungið við so stórum legendum sum Bellamy Brothers, Bobby Bare, Kris Kristofferson og Charley Pride.

Vit gleða okkum at hoyra Hallur aftur í Maggies saman við vinfólki.

Atgongumerki kunnu keypast her á síðuni.

X
X
X