Skip to main content
0
All Posts By

Terji

Lena Anderssen í Maggies 23 juni

By Uncategorized

Longu á sínari fyrstu útgávu í 1998 gav hon okkum innlit í sínar djúpastu kenslur og tankar.
Í 2005 segði hon okkum, at vit eiga at síggja tey jaligu tingini í tilveruni og royna at síggja ljóst uppá framtíðina, hóast eina dapra fortíð sum alíkavæl ikki kann slettast úr minninum. (Can´t erase it)
Tvey ár seinni bað hon okkum vera stolt av arrunum vit hava fingið á lívsins leið og brúka tey konstruktivt. (Let your scars dance)
Í 2011 minnir hon okkum á, at líkamikið hvar tú velur at búgva, noyðist tú at fyrihalda teg til skuggan, sum altíð fylgir tær. (Dream chaser)
Og í fjør kom so krónan á verkinum, har hon við sínari forførandi rødd leiðir okkum inn í alskyns krókar av tilveruni.

Hon syngur um einsemi og vónloysi men eisini um vónina og kærleikan, sum hóast alt fær okkum at vilja lívið við øllum tí góða tað hevur at bjóða.

Á ársins FMA vann hennara seinasta útgáva “Eagle in the sky” eina rúgvu av prísum. M.a. ársins útgáva og best produseraða útgáva. Lena vann eisini heiðurin sum ársins sangarinna.

Við sær í Maggies hevur hon umframt mannin Niclas Johannesen, eisini Josva Debess á trummum og Johannus á Rógvu Joensen á bassi.

Vit gleða okkum nógv 🙂

 

 

 

 

 

 

 

 

 

Marius Ziska í Maggies 22 apríl

By Uncategorized

Tað er júst eitt ár síðan Marius & Co. vóru í Maggies seinast. Og leygarkvøldið 22 april er aftur møguleiki at hoyra altíð inniliga og forførandi Marius í Maggies.

Marius hevur 4 útgávur á baki og nýtt er væntandi.

Teir sum vera við honum í Maggies eru altíð trúgvu Brandur Jacobsen, Heðin Ziska Davidsen og Allan Tausen.

Vit gleða okkum til hesa konsertina, tí Marius og hansara menn eru altíð garantur fyri eini góðari uppliving. Og nú teir júst hava verið á konsertferð í DK, eru teir, um møguligt, helst betur enn nakrantíð.

Konufólk verða biðin at taka eygnalappa við,- og tað er ikki til eyguni 🙂

 

HEIMA í Nólsoy

By Uncategorized

Páskaaftan 15. apríl verður HEIMA fyri aðru ferð í Nólsoy.

Nøvnini í ár verða hesi:
Anna Hüdepohl & Angelika NielsenBrenna McCormick Jacobsen & Janus Á HúsagarðiElinborg PálsdóttirGuðrið HansdóttirHANS ANDRIASJensinaLyonMarius Ziska, Synarchy og ungi danin Alexander Oscar.

Konsertirnar verða hildnar í privathúsum í runt í Nólsoy.

Atgongumerki á kr. 395,- + provisión fáast á nethandlinum hjá G! Festival

https://gfestival.fo/products/58
 Tað ber eisini til at keypa atgongumerki í Maggies 🙂

 

Maggies Music Marathon í Maggies 8 juli

By Uncategorized

Í samarbeiði við Summartónar hava vit á hvørjum ári eina Marathon konsert við nógvum nøvnum á plakatini.

Í ár er einki undantak.
Vit leggja til brots leygardagin 8 juli kl. 14.00 og halda á til kl. 22.00

Nøvnini verða kunngjørd tá vit nærkast stóra degnum.

Atgongumerki á einans kr. 50,- galdandi allan dagin, eru at fáa við dyrnar 🙂

Joe Lynn Turner í Maggies 10 mars

By Uncategorized

An Evening with Joe Lynn Turner.

Lagt verður upp til eitt sera spennandi og hugnaligt kvøld har ein altíð sera vælupplagdur Joe Lynn Turner, sum er kendur frá Rainbow, Deep Purple vm. kemur at spæla og syngja rock klassikarar frá sínum drúgva tónleikalívið.

Eisini verður høvi at seta viðkomandi spurningar til hansara drúgvu royndir innan rocktónleik.

Talan er um eina aukustiska framførðslu og at hjálpa sær við undirspælinum, hevur hann Eyðun Nolsøe og Graham Stewart, sum vit kenna frá Hjarnar.

Atgongumerki á kr. 375,- fáast her á síðuni ella í Maggies

TOUCH of SHADOWS í Maggies 27 apríl

By Uncategorized

Limirnir í TOUCH of SHADOWS eru allir royndir tónleikarar og eru kendur frá m.a. Bamses Venner og Østjydsk Musikforsyning.
Til stuttleikar kann nevnast, at ein av limunum, Ole Nørskov, hevur verið málmaður á danska hondbóltslandsliðnum.
TOUCH of SHADOWS spæla kend løg hjá Cliff Richard og The Shadows.

Konsertin í Maggies verður skipa sum eitt dansikvøld, tí selja vit 50 atgongumerki til hesa konsertina.

Atgongumerki á kr. 200,- + 12,- í provisión fáast her á síðuni ella í Maggies.

So tað er bara at finna dansiskógvarnar fram og trína dansin til tónleikin hjá hesum dugnaligu og festligu fýrum 🙂

Konni Kass í Maggies mikukvøldið 23. nov

By Uncategorized

Mikukvøldið kl. 20.00 trínur Konni Kass á pallin í Maggies saman við sínum orkestrið.

11/11 verður debutplátan hjá Konni Kass útgivin á Tutl. Higartil hava tey trý stakløgini ‘Surrender’, ‘Sounds’ og ‘Time’ vakt ans á netinum og í útvarpi.

Tónleikurin er drivin av eini livandi og andríkari kvinnurødd, og spælir sær fínliga við ein heim av synthum og rúmdareffektum. Bólkurin var stovnaður á vári í 2015, og limirnir eru Konni Kass (sang, saksofon), Torleik Mortensen (bass), Knút Háberg Eysturstein (tangentar) og Per Ingvaldur Højgaard Petersen (trummur).

Hvør tónleikari hevur lagt nakað serstakt afturat bólkinum, og tá tey byrjaðu at spæla saman funnu tey skjótt sín egna stíl og ljóð.

Flestu sangirnir á komandi plátuni vóru smíðaðir sum úrslit av hesi skapandi tilgongd. Stutt seinni fór bólkurin undir at upptaka debutplátuna, Haphe. “Haphe”, (αφή), merkir “at nerta” ella “samband” á grikskum, og “haphephobia” er óttin fyri nerting.

Upptøkurnar fóru fram í Studio Bloch og í Bunkaranum í Havn. Benjamin Petersen stóð fyri upptøkum og ljóðblandi og hevur framleitt útgávuna saman við bólkinum. Fred Ruddick mastraði, Kirstin Helgadóttir sniðgav plátuhúsan og Beinta á Torkilsheyggi og Ingerð Tormóðsdóttir Jønsson stóðu fyri myndatøku og styling.

Áhugin uttanlands fyri bólkinum er sjónskur, og framførslan á Spot Festival í Århus í mai 2016 úrslitaði í altjóða plátusáttmála og bókingaravtalum fyri Skandinavia og týskttalandi marknaðin (Týskland, Sveis, Eysturríki). Í summar spældu tey á G! Festival og vóru kosin at móttaka Væl á Veg virðislønina.

Í september spældu Konni Kass ikki færri enn seks framførslur á Reeperbahn Festival í Hamburg, har tey vóru millum átta tilnevndar bólkar í fyrsta umfari av Anchor Awards, ið er eitt árligt afturvendandi virðislønartiltak á Reeperbahn Festival. Millum dómararnar í ár taldust David Bowie framleiðarin Tony Visconti, MTV legendan Ray Cokes, íslendska songkvinnan Emiliana Torrini v.fl. Fyri framman standa framførslur á Iceland Airwaves í Reykjavík í november og konsertferðir í Føroyum, Danmark og Týsklandi.

Konni Kass telist millum mest lovandi nýggju føroysku nøvnini, og bíða verður í spenningi eftir debutplátuni, ið kemur út í Føroyum, Danmark og Týsklandi 11. november. Í sambandi við útgávuna fer bólkurin á konsertferð – í Føroyum í november og í Evropa tíðliga í 2017.

Jólaborðhald í Maggies

By Uncategorized

So bjóðar Maggies aftur til hugnalig jólaborðhald leygarkvøld 19 og 26 november og 3, 10 og 17 december.
Borðhaldið byrjar kl. 17.30. Ternan fer úr Havn kl. 16.20 og úr aftur Nólsoy kl. 22.20.

Matarlepin fyri kvøldið:

Forrættur
Toskur
dampaður í sitrus
Borðreiddur við salati og urtadypp
Hvítvín

Høvuðsrættur
Útbeina Lambskjøt
við souteraðum rótfruktum, waldorfsalati og rómasós
Reyðvín

Omaná
Rís a la mande við caramelsós
Cognac ella Baileys

Undirhald
Terji Rasmussen undirheldur við nøkrum av sínum vælumtóktu sangum.
Hákun Hansen trívur í nakrar sangir, eins og hann eisini spælur undir til felagssangin.
Skemtiliga íkasti stendur Snæbjørn Hansen fyri.

Kostnaðurin er kr. 750,-
Íroknað prísin er vælkomst snapsur og ein øl ella sodavatn.
Ferðaseðilin við Ternuni kostar kr. 40,- aftur og fram.

Tilmelding á maggies@maggies.fo ella á tlf. 327199/228130

max. 32 fólk

Gjaldast skal eina viku áðrenn!

Um spurningar eru, eru tit hjartaliga vælkomin at seta tykkum í samband við okkum.

Síggjast 🙂

Kátir Kallar í Maggies 7 oktober

By Uncategorized

So vóru teir aftur her. Kátir Kallar. Altíð ein garantur fyri eini góðari konsert. Cremé de la cremé av føroyskum jazztónleikarum, sum her framføra kend føroysk løg í jazzifiseraðum hami.

Rógvi á Rógvu, trummur – Arnold Ludvig, bass – Magnus Johannessen, piano og Herluf Lutzen, guitar. Kátir kallar við lít 🙂

Atgongumerki fáast her á síðuni og í Maggies.

Pub Quiz í Maggies

By Uncategorized

Nú kvøldini skjótt geast myrk og long, verður Alice Simonsen vertur fyri Pub Quiz í Maggies annað hvørt sunnukvøld kl. 20.00.
Fyrstu ferð verður 10 september

Umframt tær vanligu tríggju rundurnar, er eisini ein einkult runda, har møguleiki er at vinna gávukort frá Maggies 🙂

So Nólsoyingar,… og onnur, møti fjølment og deili tykkara vitan og vísdom við okkum óvitandi.