Terji

Bendar Spónir hava spælt saman í fleiri ár, men seinastu tíðina hava framførslurnar verið færri, tí summir av limunum eru virknir uttanlands.

Limirnir í bólkinum fáast við alskyns tónleik, bæði klassiskan-, jazz og tungmálm. Tónleikurin hjá Bendum Spónum er tó torførur at festa við eina serliga sjangru, men sýrut, progressivt, ambient og 70′ara rokkut eru nøkur heiti, ið avgjørt kunnu lýsa tónleikaslag teirra.

Fyrsta plátan “hvussu bendir mann spónir?” bleiv upptikin hjá Terja Rasmussen í Nólsoy og tískil er bólkurin sera spentur at venda aftur til oynna fyri at framføra á Maggies.

Bólkurin er mannaður av Jóhannes J. Müller, Jón McGavin, Kriss F. D. Poulsen, Mattias D. Kapnas og Per I. H. Petersen.

Mánakvøldið 25. juli kl. 20 fer MC-Hár á pall á Maggies, hetta er fyrstu ferð í longu søguni hjá bólkinum, at teir spæla í Nólsoy. Høvið er, at føroysku rapp/rokk pionerarnir fylla 25 ár.

Hetta kvøldið fer MC-Hár at spæla løg úr lagaskjáttini, umframt sjálvandi aktuella staklagið Exit Tórshavn, ið hevur verið nógv at hoyrt í útvarpi, siðan tað kom út.

Fúlu rapp/rokkararnir spæla nakrar heilt fáar konsertir í sambandi við 25 ára haldið, og ein av hesum verður í intimu kørmunum hjá Maggies. Hetta verður ein serlig uppliving av einum bólki, ið best er kendur frá teimum stóru konsertpallunum.

Maggies bjóðar til konsert hvønn dag frá 21 til 26  juli.

21 juli: Monkeyrat & The Hentze Horns kl. 20.00

22 juli: Lyon kl. 20.00

23 juli: Plúmm kl. 20.00

24 juli: Yggdrasil kl. 17.00 og Tjant kl. 20.00

25 juli: MC Hár kl. 20.00

26 juli: Bendar Spónir kl. 20.00
Atgongumerki til allar konsertirnar kunnu keypast her á síðuni ella í Maggies

Betur verður tað neyvan. Tónleikarar í heimsflokki. Hava tvær útgávur á baki saman við Holger Laumann. Allar ættir og Green gate.

Menninir eru eisini kendir úr nógvum øðrum samanhangum m.a. Terji & Føstufressar

Rógvi á Rógvu – trummur, Arnold Ludvig – Bass, Magnus Johannessen – Piano og Leivur Thomsen – Guitar.

Gøtumaðurin, Lyon kom brestandi á Føroyska tónleika pallin í 2010 tá hann vann árligu singer/songwriter kappingina, ið varð hildin á Kaspar.

Síðan tá hevur hann spælt mangar væleyðnaðar konsertir kring landið, gjørt tónleik saman við Petur Pólson, hita upp fyri The Holmes Brothers, vunni Sement 2014 við The Colour Storm, og ikki minst spælt á G! Festival.

Í 2015 gav hann sína fyrstu fløgu út nevnd Lyon við ellivu løgum á.

Nú verður hann á Maggies við bólki. Teir eru: Karl Andrias Stóra – bass, Knút Háberg Eysturstein – orgul, Per Ingvald Petersen – trummir og Esmar Palli Fagraberg – gittar.

Væl svingandi funk tónleikur í Maggies.

Arnold Ludvig – bass/composer, Anna Iachino – vocalist/songwriter, Alain Apaloo (Togo, living in Dk) – guitar, Jens Stoklund (Dk) – drums, Johan Hentze – trumpet, Rúni Hentze – trumpet, Matthias Kjølbro – saxophone and Tróndur Herason Olsen – baritone trumpet

Fyri einans kr 160,- fært tú hetta + eina ókeypis MonkeyRat fløgu “Fuck The Jante Law”

Tórshavnar kommuna hevur latið ferðastuðul, so teir útlendsku tónleikararnir kunnu koma til landið.

Tað er við tungum hjarta at vit mugu boða frá at konsertin við Guðruni og Bartal er avlýst av persónligum áðum. Tey sum hava keypt atgongumerki, fáa sjálvandi peningin aftur. Tað kann tó taka tvær vikur áðrenn tað kemur í rættlag. Vit royna at fáa ein nýgjgjan dato til konsertina. Haldi okkum til góðar.

Fólk sum hava ætla sær á konsert, eru tó vælkomin at koma til Nólsoyar ein túr alíkavæl. Maggies letur upp hvønn dag kl. 13.00 í summar.

Guðrun og Bartal eru ein duo, ið verður borin fram av gittari og sangi. Ikki so nógv hóvasták, men meira tann sterki melodiurin ið verður raðfestur høgt. Tey obligatorisku lýsingarorðini kunnu sigast at vera hesi; inniligt, fangandi, minimalistiskt og friðarligt.

Hetta er teirra fyrsta konsert í Maggies, sum kann tykjast løgi, tí júst pallurin í Maggies, er sum gjørdur til teirra framførslur 🙂

So er tíðin umsíðir komin til tungmálm í Maggies.

Sails of Deceit byrjaði sum ein sekstet í Havn á vetri 2011, við manning úr bólkum við rótfesti í føroyska málm umhvørvinum, við einum endamálið: At skriva fangandi, beint fram episkan málm tónleik.
Bólkurin spældi nakrar konsertir runt oyggjarnar vetrar/summar hálvárið 2012 við sera góðari móttøku og ikki minni góðari umtalu.

Av tí at fleiri av limunum eru búsitandi í DK, hevur bólkurin ikki havt møguleika at spæla tað heilt stóra síðan.
Nú eru Sails of Deceit aftur farnir at hugsa stórt og eru nú tilreiðar at trín á pall í Maggies við nógvum nýggjum tilfari.

Ætlanin er eisini at geva fløgu út í nærmastu framtíð.

Manningin í bólkinum eru: Teitur Fossaberg Sang, Martin Rói Vilhelmsen Sang (ex-The Aporyphal Order), Ísak Petersen Guitar Kór (Synarchy/Heljareyga), John Ivar Venned Guitar Kór (Synarchy/Heljareyga), Pól Nólsøe Jespersen Bass (ex-Synarchy) og Magnus Elisson Trummur (NORÐ, Makrel, Steso, ex Sic)

Fyri einans kr. 50,- + provisión kr. 7.50,- kanst tú hoyra pirate metal eitt leygarkvøld kl. 20.00 í Maggies.
Tað verður fyrsta málm konsertin í Maggies, men neyvan tann seinasta 🙂

Vit gleða okkum

So var hann aftur í Maggies. Hesin teatralski guitaristurin og sangarin, sum megnar at rúnarbinda eina mannamúgvu.

Inn til víðari hevur hann lati tvær útgávur frá sær, sum báðar hava fingið avbera góð skotsmál. Tær eru Stories Of Devils, Angels, Lovers And Murderers ‎og Man.

Búi fer tó primert at spæla løg av komandi útgávu síni “Songs for NoThing”

Búi er sjálvandi eisini kendur millum børnini. Hann hevur saman við Dánjal á Neystabø givið eina rúgvu út við Ævintýrferðini.

Vit gleða okkum at hoyra Búa aftur. Hesuferð saman við Magnus Johannessen og Una Debess.

“Guðruna Sólju kenna vit mest frá, tá hon gjørdist ‘Stjerne For En Aften’ í donsku sangkappingini við sama navni í 2003. Eftir hetta gav hon út tvær fløgur og var at síggja á nógvum pallum í Danmark og í Føroyum. Í 2012 gav Guðrun Sólja EP’ina “The First Four” út. Hetta vóru egin løg, sum birtust í samstarvi við Mariu Guttesen og Lenu Drachmann. Eisini var hon at síggja á palli í stóru dramakonsertini Rósa Maria, sum varð framførd í Norðurlandahúsinum í 2015. Í løtuni er Guðrun Sólja í ferð við at gera nýtt tilfar.”

Atgongumerki fáast her á síðuni ella í Maggies.