Uncategorized

Tað er við stoltleika, at vit í Maggies bjóða til klaverkonsert við unga stórtalentinum Helge M Greve.

Helge er einans 17 ára gamal og er hetta fyrsta, av allarhelst mongum komandi konsertum hjá honum.

Helge gekk í Musikskúlanum í Fuglafirði frá 2015 til 20. Tá flutti hann til Nólsoyar við familjuni og var á musikeftirskúla í Klejtrup, DK 22/23.

Hóast hann ikki heilt hevur gjørt av við seg sjálvan hvat hann ætlar sær í lívinum, er eingin ivi um at tað verður okkurt við tónleik at gera.
Helge byrjar nemliga á Musik Miðnámi komandi ár og hevur valt klaver á klassiskari linju.

Konsertin, sum varar 30 til 40 min, hevur hesa ambitiøsu skrá:

Nocturne í C# moll
– F. Chopin

6 Consolations í Db, No 3
– Franz Liszt

Nocturne í Bb moll,
– F. Chopin

Moonlight sonata 1st movement
– Beethoven

Fantaisie impromptu –
– F. Chopin

Aprés un reve, Op 7, No 1,
– Gabriel Fauré

6 moments musicaux, Op 16, No 4,
– Rachmaninoff

Vit gleða okkum og tað burdi onnur eisini gjørt.

Henda nýggja trioin sameinir tríggjar eklektiskar røddir á tí Norðurlendska jazzpallinum.

Kresten Osgood er allarhelst tann mest virkni trummuleikarin og marg-ljóðførisleikarin úr Danmark. Síðani 90’árini hevur hann spælt saman við nøkrum av teimum størstu stjørnunum innan jazz og frían tónleik, har nevnast kunnu: Paul Bley, Brad Mehldau, Peter Brötzman og nógvar aðrar stílskaparar. Tá Kresten spælir, verða bæði áhoyrarar – og tónleikararnir hann spælir við – drignir inn í hansara ómetaliga fría, eyma og stundum ótrúliga undirhaldandi musikalitet.

Bárður R. Poulsen hevur tey seinastu 12 árini búð og virkað í Noregi, og hevur í síni tíð har verið við til at mynda bólkar sum: Wako, Espen Berg trio og Flukten, umframt nógvar aðrar verkætlanir. Hann hevur ferðast í m.a.: Japan, Kina, Grikkalandi, Suður-Afrika og runt í Evropa.

Kristian Blak kenna og virða vit øll sum tónleikara, komponist og fyriskipara. Við bólkinum Yggdrasil hevur hann givið tíggjutals plátur út, og spælt konsertir um allan heimin.

Kristian og Bárður hava spælt saman síðani Bárður var tannáringur. Teir hava ferðast runt og spælt við Yggdrasil og Kvonn í Danmark, Bulgaria og Sibiria, og vóru tveireinir í Beijing, har teir spældu tríggjar konsertir.

Kristian er ein frælsur tónleikari, sum letur sítt hugskygni leiða. Vit hava tó sjáldan hoyrt hann spæla tónleik heilt uttan rammur, sokallaðan frían tónleik, og við hesi trioini fara vit at hoyra hvat hann finnur uppá, tá einki er avgjørt áðrenn farið verður á pall. Trioin er eitt spennandi møti milllum tríggjar tónleikarar, sum kunnu finna uppá hvat sum helst, og tað verður heilt sikkurt ein konsert sum fer at vekja áhuga og enntá hála í smílibondini.

Kristian Blak, klaver
Bárður Reinert Poulsen, bass
Kresten Osgood, trummur

Eftir eina langa sesong er túrurin komin til okkum í Maggies at halda “Summarfrí”.

Stongt er frá 2 oktober. Vit lata upp aftur fríggjadagin 3 november og byrja við Fimmara og konsert við Herborg Torkilsdóttir og Ólavi av Váli.

Neyst Café er tíbetur opið í vikuskftunum hetta tíðarskeiði.

Lagt verður upp til eina av hugnaligastu konsertum tú kann fyristilla tær, har Herborg og Ólavur fara at syngja øll síni kendu løg.

Herborg er kend fyri at skriva sínar bersøgnu, vællýstu og beinraknu sangir. Hon hevur givið fleiri løg út, sum lýsa tað góða og tað ringa, ið lívið hevur at bjóða. Og hetta hava fólk ordiliga tikið til sín.

Ólavur hevur útgávu á baki, sum varð innspæld í USA fyri nøkrum árum síðani, umframt stakløgini, hann hevur givið út seinastu árini.

Og fyrr í ár góvu tey eitt lag út saman “Syngja í dur”.

So set kross í kalendaran fríggjakvøldið 3. november og keyp atgongumerki, og so síggjast til eitt brak av eini konsert í Maggies kl. 20:00

Herborg Torkilsdóttir – Sang
Ólavur á Váli Olsen – Sang og gittar
Rakul Petersen – Bass og sang
Høgni Fagraberg – Gittar og sang
Magni Husgaard – Tangentar
Henning Hjalt Nicodemussen – Trummur

Fríggjakvøldið 15. september verður Maggies karmur um eitt stórfingið tiltak, har Signar í Homrum, Eyðun Nolsøe, Fríði Sigmundsson, Ólavur á Váli Olsen, saman við einum væl trimmaðum bólki, fara á pall í Nólsoy at heiðra Kim Larsen sála.

Her hevur tú møguleikan at uppliva eitt kvøld, sum ikki er sum hini, har fýra av okkara fremstu trubadurum fara at syngja klassikarar hjá Kim Larsen og Gasolin, so tað verður lagt upp til eitt ordans brak av eini konsert.

Á pallinum vera:
Eyðun Nolsøe (Sang/akk. guitar)
Ingi Poulsen (Sang/akk. guitar)
Ólavur á Váli Olsen (Sang/akk. guitar)
Fríði Sigmundsson (Sang/akk. guitar)
Høgni Fagraberg (Guitar)
John Johansen (Bass)
Magni Husgaard (Tangentar)
Henning Hjalt Nicodemussen (Trummur)

Vit í Maggies bjóða øllum vælkomnum til Nólsoyar á Ovastevnu.
Og veðrið sær út til at vísa seg frá síni bestu síðu.

Vit lata upp kl. 13.00 og hava opið líka til kl. 03.45.

Vit bjóða Maggies Pizza, Toast og Burgara.

Kl. 20,00 fer Kim Hansen á pallin og spælir líka til kl. 02.00.

Fríggjadagin er opið frá 13.00 til 22.00.
Leygardagin frá 13.00 til 03.45.
Sunnudagin frá 15.00 til midnátt.
Mánadagin frá 13.00 til midnátt.

Vit gleða okkum at síggja tykkum í góðum lag.

Kom og njót eina hugnaliga løtu í Maggies saman við Elini og dugnaligu tónleikafeløgum hennara Eyðuni, Edvard og Rógva.

Elin Brimheim Heinesen, fødd í Havn í 1958, er kend songkvinna og sangskrivari, sum hevur verið virkin á føroyska tónleikapallinum í Føroyum síðani 70’ini.

Fyri nøkrum árum síðani gjørdist hon væl umtókt aftur, tá hon gav út soloútgávuna “Handan stjørnurnar” summarið 2018 við egnum løgum.

Elin er solistur, men hevur spælt og sungið saman við fleiri øðrum tónleikarum. Samstarvið við Kára Jacobsen er helst tað, fólk kenna mest til. Tey bæði góvu út NALJA í 1988.

Tey flestu kenna helst lagið “Eitt dýpi av dýrari tíð”, sum Elin hevur gjørt til yrking hjá pápanum Jens Paula Heinesen.

Elin hevur eisini samstarvað við akustiska bólkin Ad Libitum, sum úrslitaði í útgávuni “Yndisløg” í 2010.

Í summar gevur hon út nýggja útgávu við symfoniskum løgum, hon hevur gjørt til yrkingar hjá pápanum, Jens Paula Heinesen.

ELIN BRIMHEIM HEINESEN BAND:
Elin Brimheim Heinesen (vocal, guitar)
Eyðun Mohr Hansen (guitar)
Edvard Nyholm Debess (bass)
Rógvi á Rógvu (drums)

……………………

Visit Maggies on the island Nólsoy to enjoy a cozy evening with Elin and her fellow musicians Eyðun, Edvard and Rógvi.

Elin Brimheim Heinesen, born in Tórshavn in 1958, is a Faroese singer and songwriter, who has been active on the music scene on the Faroe Islands since the seventies.

A few years ago she gained popularity once again, when she released her solo album “Handan stjørnurnar” (Beyond The Stars) in the summer of 2018 with her own compositions.

Elin is a soloist but has performed with several other artists from time to time – the co-work with Faroese composer/producer Kári Jacobsen being the most well known, with whom she published their debut album NALJA in 1988.

And the co-work with the band Ad Libitum with whom she published the album “Yndisløg” (Treasured Songs) in 2010.

This summer she will release a new album with symphonic music she has composed to poems by her father, the late author Jens Pauli Heinesen.

Meira kunning / More info:

https://www.facebook.com/ElinBrimheimHeinesen/

http://heinesen.fo

í smb. við at Vágaverk skal spæla á Summarfestivalinum hava teir valt, at hava eina venjing í Maggies hósdagin 3 august.

Venjingin byrjar kl. 18.00 og endar kl. 22.00.

Øll eru vælkomin at lurta við til venjingina og tað er ókeypis men avmarka atgongd.

28, 29, 30 og 31 juli er stongt í Maggies.

Vinarliga
Margreth og Terji

We are closed 28, 29, 30 and 31 of July.